Plantun de Prouvènço

Pèr coumpara dos planto d'encò nostre

Equisetum arvense & Ptychostomum capillare

Co-de-mandro

Equisetum arvense

Equisetaceae

Àutri noum : Coussaudo, Coua-de-cavau, Counsòudo, Couëto, Couëto-de-rat.

Noms en français : Prêle des champs, Queue-de-cheval.

Descripcioun :
Fai dos meno de tijo. A la fin de l'ivèr, n'en fai sènso clouroufilo que porto d'espigo de 1,5 à 5 cm, pièi au mitan de la primo, trachisson li cambo esterlo, primo e boutisso, emé de ramo verticillado. Pèr la destria de Equisetum sylvaticum fau regarda li guèno que dèvon èstre à dènt negro emé quàsi pas de bord blanc. Li ramo soun emé quatre costo prefoundo e lou proumié tros dèu èstre mai long que la guèno.

Usanço :
Soun li mémis usanço pèr la veisselo que la counsòudo, Equisetum ramosissimum. Èi vertuouso pèr ajuda à pissa, pèr apasima li moureno e lucha contro li mau d'os (principe di signaturo : li tros di ramo s'embouiton coume lis os).

Port : Aubret
Taio : 15 à 70 cm
Fueio : ges
Tipe bioulougico : Geoufite
Cicle bioulougico : Planto renadivo

Gènre : Equisetum
Famiho : Equisetaceae

Ordre : Equisetales

Coulour de la flour : Ges de flour
Petalo : ges
Ø (o loungour) enflourejado : 1,5 à 5 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mars à mai

Liò : Ribiero - Prado umido - Palun - Ermas
Estànci : Coulinen à Subaupen
Couroulougi : Bourealo
Ref. sc. : Equisetum arvense L., 1753

Brium-cabelu

Ptychostomum capillare

Bryaceae

Nom en français : Bryum chevelu.

Descripcioun :
Aquelo mousso coumuno trachis un pau d'en pertout, dins li muraio, li roco, li pège e peréu sus lou sòu. Se recounèis à sa coulour verdo founso, à si fueio (de larjour chanjadisso) emé uno marjo, e acabado pèr un péu ialin sènso dènt.

Usanço :
Se pòu engana emé d'àutri mousso dóu gènre Bryum qu'es tihous. I'a peréu li Pohlia mai aquéli an ges de bord de fueio que se vèson bèn.

Port : Acroucarpo
Taio : 1 à 5 cm
Fueio : 1,5 à 4 mm
Tipe bioulougico :
Cicle bioulougico : Planto renadivo

Gènre : Ptychostomum
Famiho : Bryaceae

Ordre : Bryales

Coulour de la flour :
Petalo : 2,5 à 3,5 cm
Ø (o loungour) flour : Lóngui dènt
Flourido : Printèms - Estiéu

Sòu : Ca
Autour basso e auto : 0 à 2000 m
Aparado : Noun
Mars à jun

Liò : Muraio - Roco - Pège - Racino
Estànci : Mesoumediterran à Subaupen
Couroulougi : Oulartico e Mieterrano
Ref. sc. : Ptychostomum capillare (Hedw.) Holyoak & N.Pedersen, 2007 (= Bryum capillare Hedw., 1801 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Equisetum arvense & Ptychostomum capillare

Coumpara Co-de-mandro emé uno autro planto

Coumpara Brium-cabelu emé uno autro planto